ତାଜା ଖବର

ସାମାନ୍ୟ ପାଣି ମୁନ୍ଦାଏ ପାଇଁ ୧୮ କିମି ଚାଲିଲେ ଗ୍ରାମବାସୀ। ଗରା, ହାଣ୍ଡି ଧରି ଶହ ଶହ ମହିଳା ପୁରୁଷ ପାଦରେ ଚାଲି ଚାଲି ଆସି ଅଭିନବ ପ୍ରତିବାଦ କରିଛନ୍ତି। ବିଡିଓଙ୍କ ଅଫିସ ଘେରାଉ କରି ଦାବି ଜଣାଇଛନ୍ତି ଗ୍ରାମବାସୀ। ବଲାଙ୍ଗୀର ଜିଲ୍ଲା ବେଲପଡ଼ା ବ୍ଲକ୍ ଯୁବା ପଞ୍ଚାୟତ ନାଗଫେନା ଗାଁରେ ଦେଖା ଦେଇଛି ଜଳ ସଙ୍କଟ। ଗାଁରେ ଏକ ମାତ୍ର ସୂର୍ଯ୍ୟ ଚାଳିତ ପମ୍ପ ଥିବାବେଳେ ତାହା ମଧ୍ୟ ଅଚଳ ହୋଇଯାଇଛି। ଜିଲ୍ଲାରେ ୪୫ ଡିଗ୍ରୀ ତାପମାତ୍ରା ଥିବାବେଳେ ପାଣି ସଙ୍କଟ ଲୋକଙ୍କ ସମସ୍ୟାକୁ ଦ୍ବିଗୁଣିତ କରିଛି।