ଇରାନୀୟ ବେସ ଉପରେ ଆମେରିକାର ଆକ୍ରମଣ
ତେହେରାନ() ଅଶାନ୍ତ ହୋଇପଡ଼ିଛି ମଧ୍ୟପ୍ରାଚ୍ୟ ଆକାଶ। ଏଠାରେ ଦିନକୁ ଦିନ ଉତ୍ତେଜନା ବଢ଼ିବାରେ ଲାଗିଛି। କେତେବେଳେ ଇସ୍ରାଇଲ-ଲେବାନନ ମଧ୍ୟରେ ଯୁଦ୍ଧ ହେଉଛି ତ ପୁଣି କେତେବେଳେ ମୁହାଁମୁହିଁ ହେଉଛନ୍ତି ଇରାନ-ଆମେରିକା। ହର୍ମୁଜ୍ ପ୍ରଣାଳୀ ନିକଟରେ ଉତ୍ତେଜନା ପୁଣି ଥରେ ଶୀର୍ଷରେ ପହଞ୍ଚିଛି। ହର୍ମୁଜ୍ ପ୍ରଣାଳୀ ନିକଟରେ ଆମେରିକା ଏବଂ ଇରାନ ମଧ୍ୟରେ ସାମରିକ ଉତ୍ତେଜନା ବୃଦ୍ଧି ପାଇଥିବା ଦେଖିବାକୁ ମିଳିଛି। ଏକ ଆପାଚେ ହେଲିକପ୍ଟରକୁ ଖସାଇ ଦିଆଯିବା ପରେ, ଆମେରିକା ସେନା ଇରାନ ଅନେକ ରଣନୈତିକ ଲକ୍ଷ୍ୟସ୍ଥଳ ଉପରେ ପ୍ରତିଶୋଧମୂଳକ ଆକ୍ରମଣ ଆରମ୍ଭ କରିଛି। ବନ୍ଦର ଆବାସ, ସିରିକ୍ ଏବଂ ଜାସ୍କ ସମେତ ରାଡାର ଏବଂ ବାୟୁ ପ୍ରତିରକ୍ଷା ପ୍ରଣାଳୀକୁ ଟାର୍ଗେଟ ମଧ୍ୟ କରିଛି ଆମେରିକା। ଇରାନ ଆମେରିକାର ଦୁଇଟି ଆପାଚେ ହେଲିକପ୍ଟରକୁ ଗୁଳି କରି ଖସାଇ ଦେଇଥିବା ଅଭିଯୋଗ ହୋଇଛି। ଯବାବରେ ଆମେରିକୀୟ ସେନା ଇରାନର ରଣନୈତିକ ସ୍ଥାନ ଉପରେ ପ୍ରତି ଆକ୍ରମଣ କରିଛି। ନିଜ ପ୍ରତିରକ୍ଷା ପାଇଁ ଆମେରିକା ସେନା ପକ୍ଷରୁ ଏଭଳି କରାଯାଇଥିବା କୁହାଯାଇଛି।
