ସିମଲାରେ ଭୂକମ୍ପ ଅନୁଭୂତ ରିକ୍ଟର ସ୍କେଲରେ ତୀବ୍ରତା ୪.୩

ସିମଲା: ହିମାଚଳ ପ୍ରଦେଶର ବିଭିନ୍ନ ସ୍ଥାନରେ ଭୂମିକମ୍ପ ଅନୁଭୂତ ହୋଇଛି। ଶୁକ୍ରବାର ରାତିରେ ଭୂକମ୍ପ ଅନୁଭୁତ ହୋଇଥିବାବେଳେ ପ୍ରାଥମିକ ସୂଚନା ଅନୁଯାୟୀ ଏହାର ତୀବ୍ରତା ୪.୩ ଥିଲା। ଧର୍ମଶାଳାରୁ ପ୍ରାୟ ୧୮ କିଲୋମିଟର ଦୂରରେ ଭୂମିକମ୍ପର କେନ୍ଦ୍ରସ୍ଥଳ ବୋଲି ଜଣାପଡିଛି। ଭୂମିକମ୍ପ ଅନୁଭୂତ ନେଇ ସ୍ଥାନୀୟ ଲୋକଙ୍କ ମଧ୍ୟରେ କିଛି ସମୟ ପାଇଁ ଭୟ ସୃଷ୍ଟି ହୋଇଥିଲା। ଚମ୍ବା, କାଙ୍ଗଡ଼ା, ଧର୍ମଶାଳା, କୁଲୁ ଏବଂ ସିମଲା ସମେତ ପ୍ରାୟ ସମସ୍ତ ଜିଲ୍ଲା ଏବଂ ଆଖପାଖ ଅଞ୍ଚଳରେ ମଧ୍ୟ ଭୂମିକମ୍ପର ରିପୋର୍ଟ ଆସିଛି।

ଭୂମିକମ୍ପ ଅନୁଭୂତ ହେବା ମାତ୍ରେ, ସତର୍କତା ମୂଳକ ପଦକ୍ଷେପ ସ୍ୱରୂପ ଅନେକ ଲୋକ ସେମାନଙ୍କ ଘର ଏବଂ କୋଠା ବାହାରକୁ ବାହାରି ଆସିଥିଲେ। ତେବେ କୌଣସି ଜୀବନ କିମ୍ବା ସମ୍ପତ୍ତି କ୍ଷୟକ୍ଷତିର କୌଣସି ରିପୋର୍ଟ ମିଳିନାହିଁ। ପ୍ରଶାସନ ପରିସ୍ଥିତି ଉପରେ ନଜର ରଖିଛି। କାଙ୍ଗଡ଼ା ଅଞ୍ଚଳକୁ ଭୂକମ୍ପ ଦୃଷ୍ଟିରୁ ସମ୍ବେଦନଶୀଳ ବୋଲି ବିବେଚନା କରାଯାଏ ଏବଂ ଉଚ୍ଚ ଭୂମିକମ୍ପ ବିପଦ ଅଞ୍ଚଳରେ ଅନ୍ତର୍ଭୁକ୍ତ କରାଯାଇଛି। ଧର୍ମଶାଳା ଏବଂ ଆଖପାଖ ଅଞ୍ଚଳରେ ସମୟ ସମୟରେ ମୃଦୁରୁ ମଧ୍ୟମ ଭୂମିକମ୍ପ ଅନୁଭୂତ ହୋଇଥାଏ। ହିମାଚଳ ପ୍ରଦେଶର ସମସ୍ତ ଜିଲ୍ଲାରେ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି।