ଶ୍ରୀକୃଷ୍ଣଙ୍କ ମୁହଁରେ ବ୍ରହ୍ମାଣ୍ଡ ଦର୍ଶନ

ଗୋକୁଳରେ ବାଳକ କୃଷ୍ଣ ତାଙ୍କ ସାଙ୍ଗମାନଙ୍କ ସହ ଖେଳୁଥିଲେ। ଦିନେ ସେମାନେ ମା’ ଯୋଶଦାଙ୍କ ପାଖକୁ ଆସି ଅଭିଯୋଗ କଲେ ଯେ କୃଷ୍ଣ ମାଟି ଖାଇଛନ୍ତି। ଯଶୋଦା ମା’ କୃଷ୍ଣଙ୍କୁ ପଚାରିଲେ, “ତୁ ମାଟି ଖାଇଛୁ କି?” କୃଷ୍ଣ କହିଲେ, “ନା ମା’, ମୁଁ ମାଟି ଖାଇନି। ଯଦି ତୁମର ବିଶ୍ୱାସ ନାହିଁ, ମୋ ମୁହଁ ଦେଖ।”ଯଶୋଦା ମା’ ଯେତେବେଳେ କୃଷ୍ଣଙ୍କ ମୁହଁ ଖୋଲି ଦେଖିଲେ, ସେ ଆଶ୍ଚର୍ଯ୍ୟ ହୋଇଗଲେ। ସେହି ଛୋଟ ମୁହଁ ଭିତରେ ସେ ସମଗ୍ର ବ୍ରହ୍ମାଣ୍ଡ ଦେଖିଲେ—ପୃଥିବୀ, ଆକାଶ, ସୂର୍ଯ୍ୟ, ଚନ୍ଦ୍ର, ନକ୍ଷତ୍ର, ପର୍ବତ, ନଦୀ, ସମୁଦ୍ର, ସମସ୍ତ ଜୀବଜନ୍ତୁ ଏବଂ ନିଜକୁ ମଧ୍ୟ କୃଷ୍ଣଙ୍କ ମୁହଁ ଭିତରେ ଦେଖିଲେ। ଏହି ଅଦ୍ଭୁତ ଦୃଶ୍ୟ ଦେଖି ଯଶୋଦା ବୁଝିପାରିଲେ ଯେ କୃଷ୍ଣ ସାଧାରଣ ଶିଶୁ ନୁହେଁ, ସେ ସ୍ୱୟଂ ଭଗବାନ। କିନ୍ତୁ ଭଗବାନଙ୍କ ଯୋଗମାୟାର ପ୍ରଭାବରେ ସେ ପୁଣି ମାତୃ ସ୍ନେହରେ ଭରିଗଲେ ଏବଂ କୃଷ୍ଣଙ୍କୁ ନିଜ ସନ୍ତାନ ଭାବରେ ଆଦର କଲେ। ଏହି କାହାଣୀରୁ ଏହି  ଶିକ୍ଷା ମିଳେ ଭଗବାନ ସର୍ବବ୍ୟାପୀ ଏବଂ ସମଗ୍ର ସୃଷ୍ଟି ତାଙ୍କ ମଧ୍ୟରେ ଅବସ୍ଥିତ। ଭକ୍ତି ଓ ପ୍ରେମ ଦ୍ୱାରା ଭଗବାନଙ୍କ ମହିମା ଅନୁଭବ କରାଯାଇପାରେ। ଯଶୋଦାଙ୍କ ମାତୃସ୍ନେହ ଭଗବାନଙ୍କ ପ୍ରତି ଶୁଦ୍ଧ ଭକ୍ତିର ଏକ ଅନନ୍ୟ ଉଦାହରଣ। ଏହି ଘଟଣାକୁ “ବିଶ୍ୱରୂପ ଦର୍ଶନ” ବା “ମୁଖରେ ବ୍ରହ୍ମାଣ୍ଡ ଦର୍ଶନ” ବୋଲି ମଧ୍ୟ କୁହାଯାଏ।