ପରମାଣୁ ଡିଲ୍ରେ ଇରାନ୍ର ସରେଣ୍ଡର! ୟୁରାନିୟମ ଭଣ୍ଡାର ଛାଡିବାକୁ ରାଜି, ଖୋଲିପାରେ ହୋର୍ମୁଜ
ନୂଆଦିଲ୍ଲୀ,୨୪|୫: ଆମେରିକାର ପ୍ରସ୍ତାବରେ ଇରାନ ରାଜି ହୋଇଥିବା ନେଇ ଦାବି କରାଯାଉଛି। ଆମେରିକା ଏବଂ ଇରାନ ଶାନ୍ତି ଚୁକ୍ତି ମଧ୍ୟରେ, ଖବର ଆସିଛି ଯେ, ତେହେରାନ ଏବେ ସମୃଦ୍ଧ ୟୁରାନିୟମ ଛାଡିବାକୁ ଏକ ପ୍ରକାର ରାଜି ହୋଇଛି । ନ୍ୟୁୟର୍କ ଟାଇମ୍ସ ରିପୋର୍ଟ ଅନୁସାରେ, ତେହେରାନ ୟୁରାନିୟମ ହସ୍ତାନ୍ତର କରିବାକୁ ପ୍ରସ୍ତୁତ ଥିବାବେଳେ ଇରାନ ଏବଂ ଆମେରିକା ମଧ୍ୟରେ ଜାରି ଉତ୍ତେଜନା ନୂଆ ମୋଡରେ ପହଞ୍ଚିଛି। ଦାବି ହେଉଛି କି, ତେହେରାନ ଏକ ପ୍ରସ୍ତାବିତ ଚୁକ୍ତି ଉପରେ ନରମ ମନୋଭାବର ସଙ୍କେତ ମିଳିଛି। ଟ୍ରମ୍ପଙ୍କ ପ୍ରସ୍ତାବରେ ରାଜି ହୋଇଛି ତେହେରାନ । ଯେଉଁଥିରେ ଉଚ୍ଚ ସମୃଦ୍ଧ ୟୁରାନିୟମ ଭଣ୍ଡାର ଛାଡିବାକୁ ପଡ଼ିବ, ଯାହାକୁ ନେଇ ଆଜି ଦୁଇ ଦେଶ ମଧ୍ୟରେ ଉତ୍ତେଜନାକୁ ତୀବ୍ର କରିଛି । ରିପୋର୍ଟ ଅନୁସାରେ, ଆମେରିକୀୟ ଅଧିକାରୀମାନେ ଦାବି କରିଛନ୍ତି ଯେ, ପ୍ରସ୍ତାବିତ ଚୁକ୍ତିରେ ଇରାନ ଏହାର ସମୃଦ୍ଧ ୟୁରାନିୟମ ଆମେରିକାକୁ କିମ୍ବା ଏକ ଅନ୍ତର୍ଜାତୀୟ ବ୍ୟବସ୍ଥା ମାଧ୍ୟମରେ ହସ୍ତାନ୍ତର କରିବାକୁ ରାଜି ହୋଇଛି । ଯଦି ଏପରି ହୁଏ ତେବେ ଇରାନ ଆମେରିକାକୁ ୪୪୦ କେଜି ୟୁରାନିୟମ ଦେବ। ଏହି ୟୁରାନିୟମ ସିଧାସଳକ ଆମେରିକାକୁ ଦିଆଯିବ, ଋଷକୁ ପଠାଯିବ ନା କମ୍ ସମୃଦ୍ଧ ସ୍ତରରେ ପରିଣତ କରାଯିବ ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ସମୃଦ୍ଧ ୟୁରାନିୟମ ଛାଡିବାକୁ ରାଜି ହେବାକୁ ଇରାନ ଆତ୍ମସମର୍ପଣ ଭାବେ ବିବେଚନା କରାଯାଉଛି । ଆମେରିକାକୁ ଏହାର ସମୃଦ୍ଧ ୟୁରାନିୟମ ଯୋଗାଇବାକୁ ଇରାନ ରାଜି ହୋଇଥିବାବେଳେ ଏ ସମ୍ପର୍କରେ ଯେକୌଣସି ମୂହୁର୍ତ୍ତରେ ଘୋଷଣା କରାଯାଇପାରେ। ବିଶ୍ୱାସ କରାଯାଉଛି ଯେ, ଏହି ପଦକ୍ଷେପ ଦୁଇ ଦେଶ ମଧ୍ୟରେ ଦୀର୍ଘକାଳୀନ ବିବାଦର ଅନ୍ତ ଘଟାଇ ହୋମୁଜ୍ ପ୍ରଣାଳୀ ଦେଇ ସ୍ୱାଭାବିକ ଯାତାୟାତ ପୁନଃସ୍ଥାପନ କରିବାରେ ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହୋଇପାରେ । ଆମେରିକୀୟ ଅଧିକାରୀମାନେ କହିଛନ୍ତି ଯେ, ଇରାନ ଏହାର ସମୃଦ୍ଧ ୟୁରାନିୟମ ଭଣ୍ଡାର ସହିତ ସାଲିସ କରିବାକୁ ଇଚ୍ଛୁକ। ୟୁରାନିୟମ କିପରି ହସ୍ତାନ୍ତର କରାଯିବ ତାହାର ସଠିକ୍ ପ୍ରଣାଳୀ ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ । ଏକ ଆନୁଷ୍ଠାନିକ ଚୁକ୍ତି ସ୍ୱାକ୍ଷରିତ ହେବା ପରେ ହିଁ ଆଲୋଚନା କରାଯିବ। ଇରାନର ୟୁରାନିୟମ ଷ୍ଟକ ବିପଦପୂର୍ଣ୍ଣ ଥିବାବେଳେ ଅନ୍ତର୍ଜାତୀୟ ପରମାଣୁ ଶକ୍ତି ଏଜେନ୍ସିର ଆକଳନ ଅନୁସାରେ ଇରାନରେ ପ୍ରାୟ ୯୭୦ ପାଉଣ୍ଡ ୬୦ ପ୍ରତିଶତ ପର୍ଯ୍ୟନ୍ତ ସମୃଦ୍ଧ ୟୁରାନିୟମ ଅଛି । ଇସ୍ରାଏଲ ଦାବି କରୁଛି ଯେ, ଏହି ୟୁରାନିୟମ ଯଦି ଆହୁରି ସମୃଦ୍ଧ ହୁଏ, ତେବେ ଅନେକ ପରମାଣୁ ଅସ୍ତ୍ର ଉତ୍ପାଦନ କରିପାରିବ। ଏହି ବିପଦକୁ ଦୃଷ୍ଟିରେ ରଖି, ଆମେରିକା ଏବଂ ଏହାର ସହଯୋଗୀମାନେ ଇରାନ ଉପରେ ନିରନ୍ତର ଚାପ ପକାଉଛନ୍ତି । ଅନ୍ୟପଟେ ୩ ମାସ ଧରି ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧର ଅନ୍ତ ଦିଗରେ ବଡ଼ ସଙ୍କେତ ଦେଖାଦେଇଛି । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଘୋଷଣା କରିଛନ୍ତି ଯେ, ଚୁକ୍ତି ପ୍ରାୟ ଶେଷ ହୋଇଛି । ଟ୍ରମ୍ପ ଏହା ମଧ୍ୟ କହିଛନ୍ତି ଯେ, ଚୁକ୍ତିନାମା ଅନୁଯାୟୀ ହୋର୍ମୁଜ୍ ପ୍ରଣାଳୀକୁ ପୁଣି ଖୋଲାଯିବ। ଇରାନ ଏହି ଦାବିକୁ ପ୍ରତ୍ୟାଖ୍ୟାନ କରି କହିଛି ଯେ, ଏହା ପ୍ରଣାଳୀ ଉପରେ ନିୟନ୍ତ୍ରଣ ବଜାୟ ରଖିବ । ରିପୋର୍ଟ ଅନୁସାରେ ଇରାନ ଯୁଦ୍ଧ ପୂର୍ବରୁ କେବଳ ସମାନ ସଂଖ୍ୟକ ଜାହାଜକୁ ଅନୁମତି ଦେବାକୁ ରାଜି ହୋଇଛି, କିନ୍ତୁ ଏହାକୁ ସମ୍ପୂର୍ଣ୍ଣ ମୁକ୍ତ ପଥ ଭାବରେ ବିବେଚନା କରାଯାଇପାରିବ ନାହିଁ ।
