ଆନ୍ନମଲାଇଙ୍କ ନୂଆ ବିଳ୍ପବ

ଚେନ୍ନାଇ, ୫|୬: ଆନ୍ନମଲାଇଙ୍କ ନୂଆ ବିଳ୍ପବ ଆରମ୍ଭ। ପୂର୍ବତନ ତାମିଲନାଡୁ ବିଜେପି ମୁଖ୍ୟ ଅନ୍ନାମଲାଇ ଶୁକ୍ରବାର ଘୋଷଣା କରିଛନ୍ତି ଯେ ସେ ଏକ ନୂତନ ରାଜନୈତିକ ‘ବିଳ୍ପବ’ ଗଠନ କରିବେ, ଯାହା ଆଗାମୀ ତାମିଲନାଡୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ। କେ ଆନ୍ନମଲାଇ ବିଜେପି ଛାଡ଼ିବା ପରେ ନିଜର ନୂଆ ଆନ୍ଦୋଳନ ଘୋଷଣା କରିଛନ୍ତି । ଏହି ଆନ୍ଦୋଳନ ଶେଷରେ ଏକ ରାଜନୈତିକ ଦଳରେ ପରିଣତ ହେବ ଓ ତାମିଲନାଡୁରେ ପରବର୍ତ୍ତୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ ବୋଲି ଅନ୍ନାମଲାଇ କହିଛନ୍ତି । ଆନ୍ନମଲାଇ  ‘ଅନ୍ନାମଲାଇ ମକ୍କାଲ ଇୟାକକମ୍ (ଏଏମ୍‌ଆଇ)’ ଆନ୍ଦୋଳନ କରିବାକୁ ଘୋଷଣା କରିଥିବାବେଳେ ‘କଲ୍ଟ ପଲିଟିକ୍ସ’ ବା ‘ସଂସ୍କୃତି ଏବଂ ବଂଶବାଦ ରାଜନୀତି’କୁ ବିରୋଧ କରିଛନ୍ତି  । ଅନ୍ନାମଲାଇ କହିଛନ୍ତି, ଆମେ ଏକ ରାଜନୈତିକ ଆନ୍ଦୋଳନ ଆରମ୍ଭ କରିବୁ । ଆମେ ପରବର୍ତ୍ତୀ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବୁ, ଯାହା ପାଇଁ ଆମକୁ ପ୍ରସ୍ତୁତ ରହିବାକୁ ପଡିବ । ପୂର୍ବତନ ଆଇପିଏସ ଅଧିକାରୀ ଏକ ଭିଡିଓ ବାର୍ତ୍ତାରେ ଏହା କହିଛନ୍ତି। ସେ ତାଙ୍କ ସଙ୍ଗଠନ କେଉଁ ଆଦର୍ଶରେ ଆଧାରିତ ହେବ ତାହାର ଏକ ଝଲକ ମଧ୍ୟ ଦେଇଥିଲେ । ପାରିବାରିକ ଓ ବ୍ୟକ୍ତି ପୂଜା ରାଜନୀତି ବଦଳରେ ସାଧାରଣ ଲୋକଙ୍କୁ ରାଜନୀତିକୁ ଆଣିବାକୁ ପଡ଼ିବ ବୋଲି ଆନ୍ନମଲାଇ କହିଛନ୍ତି। କର୍ଣ୍ଣାଟକରେ କାର୍ଯ୍ୟ କରିଥିବା ଜଣେ ପୂର୍ବତନ ଆଇପିଏସ୍ ଅଧିକାରୀ ଅନ୍ନାମଲାଇ ୨୦୧୯ ମସିହାରେ ‘ୱି ଦି ଲିଡର୍ସ ଫାଉଣ୍ଡେସନ୍’ ନାମକ ଏକ ସଂଗଠନ ଚଲାଇବା ପାଇଁ ଚାକିରି ଛାଡି ଦେଇଥିଲେ। ତାଙ୍କର ନୂତନ ଆନ୍ଦୋଳନର ଅଧିକାଂଶ ସ୍ୱେଚ୍ଛାସେବକ ସମ୍ଭବତଃ ଏହି ସଂଗଠନର ହେବେ। ସେ ୨୦୨୦ ମସିହାରେ ବିଜେପିରେ ଯୋଗ ଦେଇଥିଲେ ଓ ଗୋଟିଏ ବର୍ଷ ମଧ୍ୟରେ ତାଙ୍କୁ ବିଜେପି ରାଜ୍ୟ ସଭାପତି କରାଯାଇଥିଲା। ୨୦୨୬ ତାମିଲନାଡୁ ନିର୍ବାଚନ ପାଇଁ ଏଆଇଏଡିଏମକେ ସହିତ ମେଣ୍ଟ କରିବା ପାଇଁ ବିଜେପିର ନିଷ୍ପତ୍ତିକୁ ନେଇ ଅନ୍ନାମଲାଇଙ୍କ ସହିତ ମତଭେଦ ସୃଷ୍ଟି କରିଥିଲା। ବିଜେପି ଏକୁଟିଆ ନିର୍ବାଚନ ଲଢ଼ୁ ବୋଲି ଅନ୍ନାମଲାଇ ଚାହୁଥିଲେ।